« La traite des êtres humains, TEH, est le fait de recruter, ou/et de transférer, ou/et d’héberger, ou/et d’accueillir une personne, de prendre, de passer ou de transférer le contrôle sur elle en vue de l’exploiter soit sexuellement, soit par le travail (esclavage domestique, servitude, travaux manuels, agricoles, restauration, travail saisonnier). La traite peut aussi se manifester dans le cadre de la mendicité forcée, du prélèvement d’organes ou de tissus ou dans le but de forcer une personne à commettre des crimes ou des délits. »
De Ministere fir Gläichstellung tëschent Fraen a Männer, ass responsabel fir d’Koordinatioun vun der Assistance fir d’Affer vum Mënschenhandel, de MEGA bitt awer och en Formatiounszyklus am Beräich Mënschenhandel un : eng Basis Formatioun an eng Verdéiwungs Formatioun.
De Contenu an d‘Dauer vun dësen zwou Formatioune kënnen op d‘Wënsch vun den interesséierte Léit ugepasst ginn.
1 – Basisformatioun Mënschenhandel (6 Stonnen)
- Definitioun, Phänomen vum Mënschenhandel an seng verschidden Ausprägungen,
- Erklärungen zum legale Kader zum Mënschenhandel um nationalen, europäeschen an internationale Plang,
- Affer vu Mënschenhandel,
- Informatiounen zum Hëllefsréseau an de responsabelen Acteure fir d’Identifikatioun, Prise en Charge, d’Assistance an de Schutz vun Affer vum Mënschenhandel an zu de politeschen Acteuren am Beräich Mënschenhandel,
- Hëllefs-, Berodungs- an Ënnerstëtzungsmoossname fir Affer vum Mënschenhandel zu Lëtzebuerg an am Fall vun engem Retour an d‘Heemechtsland.
Formateur/e/s: Agente vum Ministère fir Gläichstellung tëschent Fraen an Männer, vum Justizministère, vun der Police judiciaire, aus der Immigratiouns Direktioun a Vertrieder/inne vum Hëllefsservice fir Affer vum Mënschenhandel, InfoTraite.
1 – Basisformatioun Mënschenhandel – Crash Cours (2 Stonnen)
- Definitioun Mënschenhandel an Erklärungen zum legale Kader um nationale Plang,
- Detektioun, Identifikatioun, Assistance an Informatiounen zum Parcours vum Affer vum Mënschenhandel.
Formateur/e/s : INFOTRAITE a Police judiciaire
2- Verdéiwungsformatioun Mënschenhandel – Begleedung vun Affer vum Mënschenhandel, d’Roll vum Professionellen an de Phänomen vum Mënschenhandel (2 Deeg)
- Migratiounsaspekter,
- Detektioun an Identifikatioun vun Affer vum Mënschenhandel,
- Begleedung a Prise en Charge vun Affer vum Mënschenhandel,
- Zesummenaarbecht tëschent Acteuren um Terrain, déi direkt an indirekt vum Phänomen Mënschenhandel betraff sin.
Formateur : Christian Meulders, Direkter Sürya asbl (Organisatioun spezialiséiert am Accueil, dem Accompagnement an der Betreiung vun Affer vum Mënschenhandel).
Public cible :
- Staats- a Gemengebeamten, ëffentlechen Dengscht, ONG, Salariéen an Independanten aus dem Privatsecteur,
- All Persoun déi am Kader vun der Ausübung vun hire Funktioune potentiell Kontakt mat Affer vum Mënschenhandel huet (Police, Douane, Centre de rétention, ITM, Administratiounen a Ministèren, ONG, Gemengen, Entreprisen an Acteuren aus dem Gesondheets, Sozial an Educatiounsberäich).
